ევროვიზიის სიახლეები

ევროპის მაუწყებელთა კავშირის (EBU) და ევროვიზიის სიმღერის კონკურსის სამუშაო ჯგუფის (Reference Group) 17 მარტის გადაწყვეტილების მიხედვით 2020 წლის ევროვიზიის სიმღერის კონკურსი COVID-19 ვირუსის ეპიდემიის გამო გაუქმდა.

გადაწყვეტილებას წინ უძღოდა სამუშაო ჯგუფის შეხვედრა, რომელიც 41 მონაწილე ქვეყნის დელეგაციებს აერთიანებს.  17 მარტს გამართული შეხვედრის შემდეგ საკმაოდ მტკივნეული, თუმცა ამავდროულად “უსაფრთხო” გადაწყვეტილება იქნა მიღებული. კონკურსის არსებობის 64 წლიანი ისტორიის მანძილზე, 2020 წელი იქნება პირველი, როდესაც ევროპა სიმღერის კონკურსის გარეშე დარჩება.

2020 წლის ევროვიზიის სიმღერის კონკურსი რიგით 65-ე უნდა ყოფილიყო, რომლის გამართვაც როტერდამში 12, 14 და 16 მაისს იყო დაგეგმილი . თელ-ავივში გამართულ კონკურსზე გამარჯვება ნიდერლანდების წარმომადგენელმა დუნკან ლაურენსმა მოიპოვა სიმღერით “Arcade” და შესაბამისად კონკურის მასპინძელი ნიდერლანდების სამეფო გახდა.სამეფომ ევროვიზიის სიმღერის კონკურსს 4-ჯერ უმასპინძლა: 1958 წელს ჰილვერსუმში; 1970 წელს ამსტერდამში ხოლო 1976 და 1980 წლებში კი ჰააგაში, ხოლო 2007 და 2012 წლებში კი საბავშვო ევროვიზიას როტერდამსა და ამსტერდამში.

ლოგო და სლოგანი:

წყარო: EBU

“Open Up შესანიშნავი სლოგანი იყო რიგით 65-ე ევროვიზიის სიმღერის კონკურსისათვის. ყველაფერი 1956 წელს დაიწყო, როდესაც კონკურსში მხოლოდ 7 ქვეყანა მონაწილეობდა და კონკურსმა ისტორიის მანძილზე კარი გაუხსნა მთელ ევროპას, ავსტრალიას და მთელ მსოფლიოს. ევროვიზიის სიმღერის კონკურსის მთავარი ღირებულებებია ინკლუზიურობა და მრავალფეროვნება, რომელსაც ჩვენ კონკურსის საშუალებით ვზეიმობთ. დღეს კი ჩვენს ღირებულებებს კიდევ ერთი დაემატა –  “Open Up” (ქართ. გაიხსენი!)

ფოტო: CLEVER°FRANKE

არენა:

ევროვიზიის სიმღერის კონკურსს Rotterdam Ahoy -ს უნდა ემასპინძლა, რომელიც 1970 წელს აშენდა და დიზაინი შექმნილია როტერდამის პორტის გავლენით.

eurovision.tv

სცენა:

“ევროვიზიის” სცენის დიზაინი შექმნილი იყო გერმანელი დიზაინერის ფლორიან ვაიდერის მიერ.

ფოტო: NPO/AVROTROS/NOS
ფოტო: NPO/AVROTROS/NOS

წამყვანები:

ფოტო: NPO/AVROTROS/NOS
2020 წლის ევროვიზიის სიმღერის კონკურსს, რომლის მასპინძელიც როტერდამი და აჰოი არენა უნდა ყოფილიყო , სამი წამყვანი ეყოლებოდა: შანტალ იანზენი, ედსილია რომბლი და იან სმიტი.

მონაწილეები:

2020 წლის ევროვიზიის სიმღერის კონკურსზე 41 ქვეყანას უნდა მიეღო მონაწილეობა. კონკურსს უბრუნდებოდა უკრაინა და ბულგარეთი, ხოლო გამოეთიშა უნგრეთი და მონტენეგრო.

გერმანიას, იტალიას და ნიდერლანდებს ხმას პირველ ნახევარ ფინალურ შოუში უნდა მიეცათ, ხოლო საფრანგეთს, ესპანეთს და დიდ ბრიტანეთს – მეორე ნახევარ ფინალურ შოუში.

ფოტო: EBU/NPO/AVROTROS/NOS

 

პირველ ნახევარ ფინალში განაწილებული ქვეყნების სია ასე გამოიყურებოდა:

ფოტო: EBU/NPO/AVROTROS/NOS

პირველი ნახევარ ფინალის პირველ ნაწილში უნდა გამოსულიყვნენ ჩრდ. მაკედონიის, ბელარუსის, ლიეტუვის, შვედეთის, სლოვენიის, ავტრალიის, ირლანდიისა და რუსეთის წარმომადგელნები, ხოლო მეორეში – ნორვეგიის, კვიპროსის, ხორვატიის, აზერბაიჯანის, მალტის, ისრაელის, უკრაინის, რუმინეთისა და ბელგიის წარმომადგენლები.

მეორე ნახევარ ფინალის შემადგენლობა კი ასეთი იყო:

ფოტო: EBU/NPO/AVROTROS/NOS

მეორე ნახევარ ფინალის პირველ ნაწილში სცენაზე უნდა გამოსულიყო მოლდოვის, პოლონეთის, სან-მარინოს, სერბეთის, ისლანდიის, ჩეხეთის, საბერძნეთისა და ესტონეთის წარმომადგენლები, ხოლო მეორე ნაწილში კი – დანიის, ბულგარეთის, შვეიცარიის, ფინეთის, სომხეთის, ლატვიის, საქართველოს, პორტუგალიისა და ალბანეთის.

შესაბამისად, საქართველოს წარმომადგენლის, თორნიკე ყიფიანის რიგითი ნომერი ევროვიზიის სიმღერის კონკურსის მეორე ნახევარ ფინალის მეორე ნაწილში 10-დან 18-ის შუალედში იქნებოდა და ის მაყურებლის წინაშე 14 მაისს წარსდგებოდა.